MKAKATI WA MWANZA KUKOMESHA MIGOGORO YA WAFUGAJI NA WAKULIMA NCHINI

MAAZIMIO YA MKUTANO WA WADAU WA SEKTA YA MIFUGO ULIOFANYIKA TAREHE 5 – 7 SEPTEMBA 2014:- MALAIKA BEACH RESORT - MWANZA.

MADA	HOJA	AZIMIO	MUDA WA UTEKELEZAJI	MHUSIKA
	Kutenga, kupima na kumilikisha maeneo na hifadhi mazingira	Kubainisha na kutenga maeneo yanayofaa kwa ufugaji na uwezo wa malisho kulingana na mifugo na kumilikisha maeneo hayo kwa wafugaji kwa kufuata modeli ya Handeni na Bagamoyo kwa kuanza na maeneo pembezoni mwa mapori ya hifadhi.		Wizara ya Ardhi (NLUPC), OWM TAMISEMI (MSM), Wizara ya  Mifugo na Sekta Binafsi
		Serikali iimarishe na kusimamia matumizi ya njia za mifugo		OWM TAMISEMI (MSM), Wizara ya Mifugo
		Kujenga uelewa wa kutosha kwa wafugaji juu ya teknolojia sahihi za kuwezesha wafugaji kuzalisha malisho na hifadhi yake kwa matumizi ya baadaye.		OWM -TAMISEMI (MSM), Wizara ya  Mifugo na Sekta Binafsi
		Kuweka miundo mbinu muhimu ya mifugo katika maeneo ya wafugaji na kufanya sensa ya mifugo kitaifa, pamoja na kufanya usajili ili kutambua mahitaji yao hasa utoaji huduma, kuzuia wizi, kutoa elimu na kutafuta masoko.		OWM TAMISEMI (MSM), Wizara ya  Mifugo na Sekta Binafsi
		Kuimarisha mabaraza ya ardhi ya Kata na Vijiji, ili kujenga uwezo wa utatuzi wa migogoro karibu zaidi na wafugaji.		OWM TAMISEMI (MSM)
		Kuunda timu ya wataalam wa wizara za mifugo, kilimo, maliasili, maji, ardhi, TAMISEMI na mazingira ili kufanya tathmini yenye mgawanyo sawia wa matumizi ya ardhi nchini, ikiwa ni pamoja na kushauri kurejesha ardhi iliyohodhiwa na wawekezaji na kuachwa bila kuendelezwa kwa muda mrefu ili kuwamilikisha wafugaji na wakulima.		Wizara za Kisekta (LSLM)
	Kuongeza tija na mchango wa sekta ya mifugo katika pato la Taifa	Kuelimisha wafugaji kupitia chama cha wafugaji Tanzania juu ya ufugaji wenye tija na kueneza teknolojia ya uhimilishaji, unenepeshaji mifugo na uboreshaji malisho.		OWM TAMISEMI (MSM), Vyama vya wafugaji na wazalishaji Wizara ya  Mifugo na Sekta Binafsi
		Kuanzisha na kuimarisha viwanda vya kuongeza thamani ya mazao ya mifugo.		Wizara ya Viwanda na Biashara, TIC, Sekta Binafsi
		Kuandaa “Livestock Lab” ili kuchambua kwa kina changamoto za mifugo na ufugaji, kutafuta majawabu na kuainisha vipaumbele vya utekelezaji.		Wizara ya Ardhi (NLUPC), OWM Wizara ya  Mifugo
		Kuendelea kutekeleza mpango wa maendeleo wa Sekta ya Mifugo ambao utazingatia vipaumbele vyote muhimu na aina zote za mifugo na mazao yake.		Wizara ya  Mifugo
		Tasnia za mazao ya mifugo ziandae mpango mkuu (Master plan) unaoonesha kanda za vipaumbele vyake na aina ya ufugaji.		Wizara ya  Mifugo
		Kufufua na kuimarisha Folk Development Centers (FDCs) ili zitumike kufundisha wafugaji juu ya ufugaji na mnyororo wa thamani ya mifugo		Wizara ya Mifugo, Wizara ya Maendeleo ya Jamii JInsia na Watoto
		Kuendelea kutenga  maeneo huru “Disease Free Zone” katika mipaka ya nchi ili kuzuia kuenea kwa magonjwa kutoka nchi jirani.		Wizara ya  Mifugo, OWM- TAMISEMI
		Serikali kupitia TVLA iimarishe usimamizi na udhibiti wa ubora wa pembejeo za mifugo zinazotengenezwa na zinazoingizwa nchini kutoka nje.		Wizara ya  Mifugo
		Mamlaka ya serikali za mitaa zitekeleze agizo la kutenga asilimia 15% ya mapato yatokanayo na mifugo na mazao yake kwa ajili ya kuendeleza sekta ya mifugo		OWM – TAMISEMI (MSM)
		Kuongeza idadi ya wataalamu wa ugani wa mifugo ili kuondoa pengo la upungufu lililopo kwa kuruhusu wahitimu wote wa mifugo kuajiriwa moja kwa moja na serikali.		Wizara ya  Mifugo, Ofisi ya Rais -Menejimemnt ya Utumishi wa Umma, OWM TAMISEMI
		Kuweka mkakati wa kuhakikisha kuwa matokeo ya tafiti yanawafikia wadau haraka ili kuongeza tija katika uzalishaji kwa kuimarisha uhusiano wa kiutendaji (linkage) kati ya mgani, mfugaji na mtafiti.		Wizara ya  Mifugo, OWM - TAMISEMI
	Upatikanaji wa masoko ya mifugo na bidhaa zake	Kuhamasisha uundwaji wa mitandao na ushirika wa wazalishaji wa mazao ya mifugo.		Wizara ya Kilimo Chakula na Ushirika, Wizara ya  Mifugo, Vyama vya Wafugaji
		Kutoa elimu ya uzalishaji kibiashara wa mifugo na mazao yake kuhusu kuongeza ubora na uwingi ili kukidhi soko la nje.		Wizara ya Viwanda na Biashara, Wizara ya  Mifugo
		Kujenga na kuimarisha minada ikiwemo mizani na kuboresha taratibu za uendeshaji wa minada/masoko ya mifugo ya ndani na mipakani ili kuwezesha wafugaji kunufaika na soko zuri la mifugo na mazao ya mifugo.		Wizara ya  Mifugo, OWM - TAMISEMI
	Kuimarisha na kuboresha biashara ya mazao ya mifugo	Kujenga machinjio za kisasa na kuboresha zilizopo ili kupata nyama bora kwa walaji wa ndani na nje.		Wizara ya  Mifugo, OWM – TAMISEMI, Sekta Binafsi
		Kuboresha, kuimarisha na kusimamia miundombinu ya ukusanyaji, usambazaji na usindikaji maziwa na nyama.		Wizara ya  Mifugo, OWM – TAMISEMI, Sekta Binafsi
		Mpango wa unywaji maziwa shuleni utekelezwe nchi nzima ili kuongeza soko la ndani na kuongeza afya na ufaulu.		Wizara ya  Mifugo, OWM – TAMISEMI, Sekta Binafsi
		Kusimamia kikamilifu Sheria ya Biashara ya ngozi namba 18 ya mwaka 2008,na sheria ya magonjwa ya mifugo ili kupata ngozi yenye thamani kubwa.		Wizara ya  Mifugo, OWM – TAMISEMI
		Serikali kuridhia uundwaji wa chombo kitakachosimamia biashara ya ngozi ili kuwezesha ngozi nyingi kuuzwa kwenye viwanda vya kuchakata vya ndani ya nchi.		Wizara ya  Mifugo,
		Uandaliwe Mkakati wa kuongeza thamani ya zao la ngozi (value addition) ili kuvifanya viwanda visindike ngozi hadi hatua ya mwisho.		Wizara ya Viwanda na Biashara
		Kamati za Ulinzi na Usalama za Mikoa, Wilaya na vijiji za pembezoni, TRA, POLISI na Vyombo vya Usalama (Mwanza, Kagera, Mara, Simiyu, Tanga, Kilimanjaro, Arusha, Kigoma na Manyara) zidhibiti utoroshwaji wa ngozi ghafi kwenda nje ya nchi.		KUU – Mikoa na Wilaya
		Serikali itazame jinsi ya kurekebisha bei ya ngozi kwa soko la ndani ya nchi ikilinganishwa na bei itolewayo na nchi jirani
	Upatikanaji wa mitaji na Mikopo kwa wadau wa sekta ya mifugo	Kuanzisha na kuimarisha vyama vya wafugaji vya ushirika wa akiba na mikopo		WKCU
		Kurasimishashughuli za uzalishaji, biashara na raslimali za mifugo na mazao yake, ili taasisi za fedha kuweza kukopesha kwa urahisi		Wizara ya Mifugo, Viwanda na Biashara
		Serikali iandae na kutekeleza mkakati wa kuwainua wazawa walio na nia ya kuwekeza katika maeneo mbalimbali ya sekta ya mifugo kwa kuwawekea dhamana kwenye vyombo vya fedha hatimaye kuwa na Benki ya wafugaji.		Wizara ya Mifugo, Viwanda na Biashara, Taasisi za Fedha wafugaji
	Uwekezaji na vivutio vya uwekezaji katika sekta ya mifugo	Serikali isimamie kodi zilizopo kwa mazao yote ya mifugo yanayoagizwa kutoka nje ili kulinda soko la ndani la mazao hayo.		Wizara ya Viwanda na Biashara, Fedha
	Uboreshaji wa mfumo wa ufugaji asili	Kuandaa sera ya ufugaji wa asili itakayolenga mabadiliko ya hatua kwa hatua kuboresha ufugaji wa asili kuwa wa kibiashara na kuzingatia uwezo wa nyanda za malisho uliopo.		Wizara ya Mifugo,
		Kuboresha mfumo wa usambazaji taarifa kwa wafugaji zikiwemo taarifa za masoko na magonjwa kwa kuimarisha mfumo wa Livestock Marketing Information System (LMIS) uliopo.		Wizara ya Mifugo,
		Kuwa na wiki ya wafugaji kila mwaka (Lini na nani atagharamia)

NB: maazimio yote haya yawekwe katika Mpango wa Kuendeleza Sekta ya Mifugo uliopo na Mpango wa Maendeleo wa Miaka mitano ili kuepuka utegemezi wa wafadhili kutoka nje na kuuacha mpango huo kuwa katika makabrasha tu.

·         Serikali idhamini ufugaji wa samaki

·         Kuwe na Sheria za Haki ya Malisho kwa Mifugo

·         Katiba ijayo itambue Haki za wafugaji na Wakulima

HITIMISHO LA MH. WAZIRI WA MIFUGO

      Ipo Sheria ya Malisho na vyakula vya mifugo na Sheria ya Haki za wanyama zenye ufafanuzi wa kina kuhusu haki ya malisho na haki za wanyama.